Gəncədə bir sıra küçələr yararsız haldadır. Bu haqda Gencexeber.az-a 31 avqust tarixində məlumat daxil olub.
Söhbət Şah İsmayıl Xətai prospekti, Hacı Məhəmmədhüseyn Rəfiyev və Oğuz küçələrindən gedir. Şah İsmayıl Xətai prospekti, 490-da binanın qarşısında iki çala yaranıb.
Hacı Məhəmmədhüseyn Rəfiyev küçəsi, 3-də kanalizasiya və su xətti çəkildikdən sonra küçənin asfalt örtüyü bərpa edilməyib. Oğuz küçəsində də yolda qazıntı işləri aparılıb. Daha sonra isə qazılan yerin üstü iri daşlar və asfalt parçaları ilə örtülüb.
Adıçəkilən küçələrin yollarında yaranan maneələr sakinləri narahat edir. Həmçinin nəqliyyat vasitələrinin hərəkəti qismən məhdudlaşır.
[modula id="43987"]
