Gəncə Dövlət Filarmoniyasında təşkil olunan layihənin final mərhələsi olub. Bu haqda 20 fevral tarixində ADAU-ya istinadən xəbər veririk.
“Startap day” layihəsinin final mərhələsi keçirilib. Tədbirdə Azərbaycan Dövlət Aqrar Universiteti, Gənclər İnkişaf Naminə İctimai birliyi, Azərbaycan Texnologiya Universiteti, Gəncə Dövlət Universiteti, Kapital Bank Gəncə filialı tərəfdaşlığı və Asiya İnkişaf Bankının maliyyə dəstəyi ilə baş tutub. Burada ADAU-nun rektoru Zəfər Qurbanov, Asiya İnkişaf Bankının layihələr üzrə mütəxəssisi Səbinə Yusifova, Gənclər Evinin direktoru Amil Qurbanov, KOBİA Gəncə-Daşkəsən region koordinatoru Anar Əliyev və ADAU-nun İnnovasiyalar Mərkəzinin direktoru Elvin Agayev iştirak ediblər.
Sonda final mərhələsi üçün seçilən 11 fərqli ideyada yarışan startap komandaları təqdimatlarını ediblər və təqdimatlar seçilmiş münsiflər heyəti tərəfindən qiymətləndirilib. Qiymətləndirmə nəticəsində "EwerGreen" startapı I, "Laser Eye" startapı II və "ITS" startapı isə III yerə layiq görülüb və qalib komandalar mükafatlarla təltif edilib.
