Gəncədə seçkilərlə bağlı tədbir keçirilib. Bu haqda 11 yanvar tarixində Mərkəzi Seçki Komissiyasına istinadən məlumat veririk.
Seminar–müşavirə seçki mübahisələrinin məhkəmə qaydasında həlli mövzusunda baş tutub. Burada Mərkəzi Seçki Komissiyasının (MSK) üzvü Bəxşeyiş Əsgərov tədbirin məqsədindən danışıb.
Daha sonra MSK Katibliyi Hüquq şöbəsinin əməkdaşı Cavid Zeynalov "Azərbaycan Respublikası Prezidenti seçkilərində vətəndaşların seçki hüquqlarının pozulması ilə əlaqədar şikayət və müraciətlərin seçki komissiyalarına verilməsi və onların araşdırılması qaydaları”, Cinayət Kollegiyasının sədri Rafiq Cəfərov "Azərbaycan Respublikası Prezidenti seçkilərində seçki hüquqlarının müdafiəsi ilə bağlı qanunvericiliyin məhkəmələr tərəfindən tətbiqi təcrübəsi”, İnzibati Kollegiyanın sədri Rəşad Mamedov "Məhkəmədə seçki hüquqlarının müdafiəsi ilə bağlı işlər üzrə icraat” mövzularında təqdimatlarla çıxışlar ediblər.
Seminar-müşavirənin sonunda iştirakçıların sualları cavablandırılıb.
Qeyd edək ki, tədbir Mərkəzi Seçki Komissiyasının Azərbaycan Respublikasının Ali Məhkəməsi və apellyasiya məhkəmələri ilə birgə layihəsi çərçivəsində təşkil olunub.
