Gəncədə binaların qarşısındakı ərazi çirkləndirilib. Bu haqda Gencexeber.az-a 26 mart tarixində məlumat daxil olub.
Sözügedən hal şəhərin Yeni Gəncə yaşayış massivindəki 6 saylı notariusun yaxınlığında müşahidə olunur. Həmidə Məmmədquluzadə və Mir Cəlal Paşayev küçələrinin kəsişməsindəki binaların qarşısında hasara alınmış boş ərazi yerləşir. Buraya sakinlər tərəfindən məişət tullantıları atılır. Nəticədə ətrafa kəskin və xoş olmayan qoxu yayılır.
Bu hal bina sakinlərinin narazılığına səbəb olur. Onlar bildirirlər ki, qoxu səbəbindən pəncərələri açıb, evlərini havalandıra bilmirlər.
Sakinlər ərazinin təmizlənməsini və nəzarət olunaraq çirkləndirilməməsini xahiş edirlər.
[modula id="56841"]
