Gəncədə şahmat yarışı təşkil olunur. Bu haqda 2 mart tarixində Regional Təhsil İdarəsinə istinadən məlumat veririk.
Xocalı soyqırımına həsr olunan respublika turniri 2 nömrəli Uşaq-Gənclər İdman-Şahmat məktəbində keçirilir. Burada A qrupu üzrə 172, B qrupu üzrə isə 185 nəfər şagird olmaqla ümumilikdə 357 nəfər mübarizə aparır.
Çempionatın final mərhələsi 3 mart tarixində baş tutacaq.
Hər qrup üzrə ilk 3 yeri tutmuş oğlanlar və qızlar müvafiq diplom və medalla, yalnız A və B qrupları üzrə ilk 3 yerin sahibləri isə medal və diplomla, qrupun qalibləri isə kubokla təltif olunacaqlar.
