Gəncədə Regional Təhsil İdarəsinin təşəbbüsü ilə tədbir baş tutub. Bu haqda 26 fevral tarixində Regional Təhsil İdarəsinə istinadən xəbər veririk.
"Şahin" hərbi-idman oyunları ilə bağlı müşavirə keçirilib. Burada Regional Təhsil İdarəsinin Tədrisin keyfiyyəti sektorunun məsləhətçisi Ceyhun Bağırov, metodist Fəzail Poladov, Regional Gənclər və İdman İdarəsinin Gənclərlə iş sektorunun müdiri Rəşad Əlizadə və ümumtəhsil məktəblərində çalışan hərbi rəhbərlər iştirak ediblər.
Müşavirədə “Şahin” hərbi-idman oyununun yeni əsasnaməsi, orada edilən dəyişikliklər və yeni qeydiyyat forması ilə tanışlıq, həmçinin məktəbdaxili və şəhər birinciliyinə hazırlıqla bağlı ətraflı məlumat verilib.
