Gəncədə sahibkarlıq fəaliyyəti göstərənlərin ödədiyi sosial sığorta haqlarının yeni məbləğləri açıqlanıb. Bu haqda 12 yanvar tarixində iqtisadçı-ekspert Vüqar Bayramova istinadən məlumat veririk.
Bildirilir ki, yanvarın 1-dən minimum əməkhaqqı artırılıb və sahibkarların ödədiyi sosial haqların məbləğində dəyişikliklər baş verib. Bundan sonra Gəncədə tikinti sahəsində sahibkarlıq fəaliyyəti ilə məşğul olanlar 155.25 manat, digər sahələrdə çalışanlar isə 77.62 manat ödəyəcəklər.
Muzdlu işçi cəlb etmədən məşğul olan fiziki şəxslər üçün isə sosial sığorta haqlarında aşağıdakı dəyişikliklər olacaq:
- Toylarda, şənliklərdə və digər tədbirlərdə aparıcılıq, çalğıçılıq, rəqqaslıq, aşıqlıq, məzhəkəçilik və digər oxşar fəaliyyət – 17.25 manat;
- Fərdi foto, audio-video xidmətləri (fotostudiyalar istisna olmaqla) sahəsində fəaliyyət – 17.25 manat;
- Çəkməçi, pinəçi – 10.35 manat;
- Saat, televizor, soyuducu və digər məişət cihazlarının təmiri – 10.35 manat;
- Fərdi yaşayış evlərində və mənzillərdə ev qulluqçusu, xəstələrə, qocalara və uşaqlara qulluq xidməti, dayə, fərdi sürücülük, ev təsərrüfatında təmizlik, bağban, aşpaz, gözətçi və iaşə obyektlərində müştərilərə xidmət göstərən fiziki şəxslər (ofisiant) – 10.35 manat;
- Nəqqaşlıq emalatxanalarının fəaliyyəti – 10.35 manat;
- Fərdi qaydada bərbər fəaliyyəti ilə məşğul olan şəxslər – 10.35 manat;
- Fərdi qaydada dərzi fəaliyyəti ilə məşğul olan şəxslər – 10.35 manat.
