Gəncədə vətəndaşlara səyyar xidmət göstərilib. Bu haqda 26 yanvar tarixində Dövlət Miqrasiya Xidmətinə istinadən məlumat veririk.
Aksiya Regional Miqrasiya İdarəsinin təşkilatçılığı ilə baş tutub. Xidmət qurumun əməkdaşları tərəfindən sağlamlıq imkanları məhdud şəxslərə göstərilib.
Tədbir çərçivəsində sakinlərin müvəqqəti yaşama icazəsinin alınması və vətəndaşlıq mənsubiyyətinin müəyyənləşdirilməsi ilə bağlı sənədləri qəbul edilib. Həmçinin müvəqqəti yaşamaq üçün icazə vəsiqəsi təqdim olunub.
Bundan başqa, miqrasiya qanunvericiliyinə dair onları maraqlandıran məsələlərlə bağlı məlumatlar verilib.
