Gəncədə növbəti aksiya təşkil olunub. Bu haqda 27 dekabr tarixində Kəpəz telekanalına istinadən məlumat veririk.
“Açıq qapı” günü Sənaye və Texnologiyalar üzrə Gəncə Dövlət Peşə Təhsil Mərkəzində baş tutub. Burada İnteqrasiya Təlimli İnternat Tipli Gimnaziyanın və tam orta məktəblərin 9-11-ci sinif şagirdləri iştirak ediblər.
Qonaqlar peşə təhsil müəssisəsinin emalatxanalarına baş çəkib, mövcud avadanlıq və xidmətlərlə yerində tanış olublar. Tədbirdə müxtəlif peşələr üzrə təhsil alan tələbələrin əl işləri sərgilənib, həmin ixtisaslar üzrə mütəxəssis məlumatları təqdim edilib.
Sonda iştirakçılara hədiyyələr paylanıb.
