Gəncədə şadlıq evlərinin qiymətləri araşdırılıb. Bu haqda 24 fevral tarixində Kəpəz televiziyasına istinadən məlumat veririk.
Şəhər ərazisindəki şadlıq saraylarında menyu qiymətlərində artım müşahidə edilir. Bildirilir ki, bu ilin yanvar-fevral ayları ərzində artım 8 faizə yaxın olub. Lakin bu, sifarişlərin sayına təsir göstərməyib.
İnzibatçıların sözlərinə görə, sözügedən bahalaşma məhsulların qiymətlərinin artmasından irəli gəlir. Əvvəllər 30-35 manata təklif olunan menyular artıq 40-45 manat arası dəyişir.
Ekspert artımla bağlı statistikanı açıqlayıb. Bildirilib ki, xüsusən 40 manatadək olan menyular daha çox bahalaşıb. Bu göstəricilər 6,2 faiz olub. 40-80 manat olan menyuların qiyməti 5,8 faiz, 100 manatdan çox olan menyularınkı isə 4,9 faiz yüksəlib. Bununla yanaşı, cari ilin yanvar ayında şadlıq saraylarında sifarişlərin sayı 6,5 faiz artıb.
