Gəncədə sərnişin və yük daşınmalarının sayı açıqlanıb. Bu haqda 9 fevral tarixində Fed.az-a istinadən xəbər veririk.
2022-ci ilin yanvar-dekabr aylarına nisbətən sərnişin daşınması 24,4 faiz, yük daşınması isə 14,9 faiz artıb. Ötən ilin yanvar-dekabr aylarında Gəncə şəhəri üzrə 91,9 milyon nəfər sərnişin daşınıb.
Bundan əlavə, 2023-cü ilin yanvar-dekabr aylarında informasiya və rabitə müəssisələri tərəfindən 7,4 milyon manatlıq xidmət göstərilib. Onlardan 96,7 faizi əhali tərəfindən istehlak olunub. Xidmətlərin ümumi həcmində dövlət sektorunun xüsusi çəkisi 74,8 faiz, qeyri-dövlət sektorunun isə 25,2 faiz təşkil edib.
