Gəncədə bəzi ərazilərdə sənədsiz evlər müəyyən olunub. Bu haqda 7 mart tarixində Apa-ya istinadən məlumat veririk.
Şəhər ərazisində kənd təsərrüfatı təyinatlı torpaqlarda qeyri-qanuni fərdi evlər inşa edilib. Bildirilir ki, 2011-2018-ci illərdə inşa edilmiş fərdi yaşayış evləri, torpaq sahələri üzərində mülkiyyət hüquqlarının qeydiyyata alınmamasının səbəbi həmin ərazilərin torpaq sahələrinin dövlət mülkiyyətinə aid olmasıdır.
Bununla əlaqədar yerli ekspert komissiyaları tərəfindən həmin sahələrin ekspertizası keçirilib. Tərtib edilmiş siyahı şəhər İcra Hakimiyyəti tərəfindən aidiyyəti üzrə göndərilib. Məlumata əsasən, torpaq sahələrinin mülkiyyət növü və təyinatı dəyişdirildikdən sonra sözügedən problem öz həllini tapacaq.
