Bu gün şəhid Zakir Əhmədovun doğum günüdür.
Zakir Kamil oğlu Əhmədov 22 dekabr 1959-cu ildə Goranboyda anadan olub. Daha sonra ailəsi ilə birlikdə Gəncəyə köçüb. O, 37 saylı orta məktəbi bitirib.
Zakir 1978-ci ildə həqiqi hərbi xidmətə çağırılıb. Çita vilayətində tank diviziyasında baş çavuş vəzifəsində xidmət edib. O, Əlvan-Metallar zavodunda, sonra isə Mənzil Kommunal İstismar sahəsində usta işləyib. Zakir Əhmədov 20 aprel 1994-cü ildə səfərbərliyə alınıb. Ağdərə rayonu uğrunda gedən döyüşlərdə vuruşub.
8 noyabr 1994-cü ildə Zakir Kamil oğlu Əhmədov şəhidlik zirvəsinə ucalıb.
Şəhidimiz 12 noyabr 1994-cü ildə Gəncə şəhər Şəhidlər xiyabanında dəfn olunub.
