Bu gün Ülfət Abbasovun doğum günüdür.
Ülfət Yaqub oğlu Abbasov 27 dekabr 1963-cü ildə Gəncədə anadan olub. Azərbaycan Dövlət Universitetində təhsil alıb. O, Kənd Təsərrüfatı Akademiyasında müəllim işləyib.
Xocalı soyqırımından sonra könüllü olaraq cəbhəyə yollanıb. Baş leytenant Ülfət Abbasovun ilk döyüşü Şuşa şəhərində olub. Döyüşlərdə gənc döyüşçü böyük fədakarlıq göstərib.
Xüsusi təyinatlı zenit-raket bölməsinin komandiri olan Ülfət Laçın, Cəbrayıl, və Ağdərə döyüşlərində iştirak edib.
13 mart 1993-cü ildə Sərsəng Su Anbarı istiqamətində gedən döyüşlərin birində şəhidlik zirvəsinə ucalıb.
