Bu gün şəhid Taleh Mustafazadənin doğum günüdür.
Taleh Qənimət oğlu Mustafazadə 17 dekabr 1995-ci ildə Gəncədə anadan olub. 13 nömrəli tam orta məktəbi, 2017-ci ildə isə Azərbaycan Dövlət Aqrar Universitetinin “Yerüstü nəqliyyat” fakültəsini bitirib.
O, həmin il həqiqi hərbi xidmətə yollanıb. Füzuli, Xocavənd və Laçın rayonlarının və Şuşa şəhərinin azadlığı uğrunda gedən döyüşlərdə manqa komandiri kimi iştirak edib.
Taleh Mustafazadə 8 noyabr 2020-ci ildə Laçın rayonunun azadlığı uğrunda gedən döyüşlərdə şəhidlik zirvəsinə ucalıb. 11 noyabr 2020-ci ildə Gəncə şəhər Şəhidlər xiyabanında dəfn olunub.
Şəhidimiz ölümündən sonra Prezident tərəfindən “Vətən uğrunda”, “Cəsur döyüşçü” və “Şuşanın azad olunmasına görə” medalları ilə təltif olunub.
