Bu gün şəhid Şaiq Məmmədovun doğum günüdür.
Şaiq Şükür oğlu Məmmədov 26 dekabr 1999-cu ildə Gəncədə anadan olub. 20 nömrəli tam orta məktəbin 9-cu sinfini bitirib. O, təhsilini 3 nömrəli Peşə liseyində (indiki Ticarət və Xidmət üzrə Gəncə Dövlət Peşə Təhsil Mərkəzi) davam etdirib. 2018-ci ildə həqiqi hərbi xidmətə çağırılıb.
27 sentyabr 2020-ci il tarixində Vətən müharibəsinin başlaması ilə əlaqədar yenidən hərbi xidmətə çağırılıb. O, Ağdam, Füzuli və Qubadlı rayonları uğrunda gedən döyüşlərdə iştirak edib.
Şaiq Şükür oğlu Məmmədov 9 noyabr 2020-ci ildə Xankəndi şəhəri istiqamətində gedən döyüşlərdə şəhidlik zirvəsinə ucalıb.
O, 13 noyabr 2020-ci ildə Gəncə şəhər Şəhidlər xiyabanında dəfn olunub.
Şəhidimiz ölümündən sonra Prezident tərəfindən “Vətən uğrunda”, “Cəsur döyüşçü” və “Şuşanın azad olunmasına görə” medalları ilə təltif olunub.
