Bu gün şəhid Şahlar Nağıyevin doğum günüdür.
Şahlar Nüsrət oğlu Nağıyev 31 dekabr 1987-ci ildə Gəncədə anadan olub. 24 nömrəli tam orta məktəbi bitirib. O, 2006-cı ildə həqiqi hərbi xidmətə çağırılıb. 2014-cü ildə MAHHX HQ kimi xidmətə başlayıb. 2016-cı ilin Aprel döyüşlərində iştirak edib.
27 sentyabr 2020-ci il tarixində Azərbaycan Respublikasının ərazi bütövlüyü uğrunda vuruşub. Tərtər rayonu ərazisində gedən döyüşlərdə iştirak edib.
Şahlar Nağıyev 2 oktyabr 2020-ci ildə Tərtər rayonunun Suqovuşan kəndi uğrunda gedən döyüşlərdə şəhidlik zirvəsinə ucalıb.
3 oktyabr 2020-ci ildə Gəncə şəhər Şəhidlər xiyabanında dəfn edilib.
Şəhidimiz ölümündən sonra Prezident tərəfindən “Vətən uğrunda”, “İgidliyə görə” və “Suqovuşanın azad olunmasına görə” medalları ilə təltif olunub.
