Bu gün şəhid İlqar Kazımovun doğum günüdür.
İlqar Nazim oğlu Kazımov 28 dekabr 1996-cı ildə Gədəbəydə anadan olub. 2012-ci ildə Gəncə şəhər 17 nömrəli tam orta məktəbdə 9 illik təhsilini başa vurub. Daha sonra 2 nömrəli Peşə liseyinə (indiki Sənaye və Texnologiyalar üzrə Gəncə Dövlət Peşə Təhsil Mərkəzi) qəbul olub. Lakin təhsilini yarımçıq qoyaraq, həqiqi hərbi xidmətə yollanıb.
2018-ci ildə həqiqi hərbi xidmətə çağırılıb. 2019-cu ildə həmin Peşə liseyini (indiki Sənaye və Texnologiyalar üzrə Gəncə Dövlət Peşə Təhsil Mərkəzi) bitirib.
27 sentyabr 2020-ci il tarixində Vətən müharibəsinin başlaması ilə əlaqədar yenidən hərbi xidmətə çağırılıb. Xocavənd rayonunun Ağoğlan (Hadrut) qəsəbəsi, Füzuli rayonu və Şuşa istiqamətində gedən döyüşlərdə iştirak edib.
İlqar Nazim oğlu Kazımov 9 noyabr 2020-ci ildə Laçın dəhlizi uğrunda gedən döyüşlərdə şəhidlik zirvəsinə ucalıb.
14 noyabr 2020-ci ildə Gəncə şəhərinin Şəhidlər xiyabanında dəfn olunub.
Şəhidimiz ölümündən sonra Prezident tərəfindən “Vətən uğrunda”, “Cəsur döyüşçü” və “Şuşanın azad olunmasına görə” medalları ilə təltif olunub.
