Bu gün şəhid Ağakərim Kərimovun doğum günüdür.
Ağakərim Emin oğlu Kərimov 21 dekabr 1959-cu ildə Gəncədə anadan olub. 22 saylı orta məktəbi bitirib. Rusiyanın Novosibirsk şəhərində həqiqi hərbi xidmətdə olub. O, təmir-tikinti bazasında çilingər işləyib.
O, 10 dekabr 1993-cü ildə Kəpəz Rayon Hərbi Komissarlığı tərəfindən səfərbərliyə alınıb. Füzuli-Beyləqan bölgəsində bir sıra döyüşlərdə iştirak edib.
Ağakərim Emin oğlu Kərimov 15 yanvar 1994-cü ildə döyüşlərin birində şəhidlik zirvəsinə ucalıb. Onun adına ölümündən sonra 22 nömrəli məktəbdə bulaq açılıb.
