Gəncədə iki küçədə kommunal qəza baş verib. Bu haqda Gencexeber.az-a 30 dekabr tarixində məlumat daxil olub.
Söhbət şəhərin Mikayıl Hüseynov (köhnə Konstantin Uşinski) və Hacı Məhəmmədhüseyn Rəfiyev küçələrindən gedir. Ərazilərin birincisində yeraltı kanalizasiya xətti partlayıb. Nəticədə çirkab küçə boyunca axır. Sakinlərin sözlərinə görə, bu hal bir müddətdir davam edir.
Hacı Məhəmmədhüseyn Rəfiyev küçəsində isə sakinləri içməli su ilə təchiz edən yeraltı boruda qəza olub. Bu ərazidə də su küçə boyunca axır.
Sakinlər kommunal qəzaların aradan qaldırılmasını istəyirlər.
[modula id="52559"]
