Gəncədə qəza baş verib. Bu haqda Gencexeber.az-a 5 mart tarixində məlumat daxil olub.
Hadisə şəhərin Heydər Əliyev prospektində qeydə alınıb. Şahidlərin sözlərinə görə, “Chevrolet” markalı avtomobil hərəkətdə olan “VAZ 2106” markalı nəqliyyat vasitəsini ötmək istəyib.
Bu vaxt birincinin sürücüsü ehtiyatsızlıqdan maşını sağ tərəfə yönəldib. Mümkün qəzadan qaçmaq üçün “VAZ 2106”nın sahibi isə maşını kənara çəkmək istəyəndə yolun qırağında dayanan “KİA” avtomobilinə çarpılıb.
Nəticədə hər üç nəqliyyat vasitəsinə ziyan dəyib. Qəza zamanı xasarət alan olmayıb. Hadisə yerinə polis və sığorta şirkətinin əməkdaşları cəlb ediliblər.
