Gəncədə təmizlik aksiyası keçirilib. Bu haqda 12 fevral tarixində MKTİB-yə istinadən xəbər veririk.
Şəhərin küçələrində, prospektlərində, parklarda, xiyabanlarda və yaşayış massivlərinin həyətində genişmiqyaslı təmizlik işləri aparılır. Mənzil Kommunal Təsərrüfatı İstehsalat Birliyinin texnikaları və canlı qüvvəsi vasitəsilə Heydər Əliyev prospektində və bu prospektə paralel olan küçələrdə səliqə-sahman yaradılıb.
Adıçəkilən ünvanların məişət tullantılarından, alaq otlarından, daş, qum və toz-torpaqdan təmizlənməsi və tullantıların daşınması təmin edilib. Məişət tullantılarının atılması üçün nəzərdə tutulan müxtəlif tutumlu konteynerlərin və zibil qutularının ətrafı təmizlənib.
Qeyd edək ki, təmizlik aksiyası qarşıdakı günlərdə şəhərin müxtəlif ərazilərində də həyata keçiriləcək.
