Gəncədə prospektlərdən birində piyadalar üçün çətinlik yaranıb. Bu haqda Gencexeber.az-a 23 dekabr tarixində məlumat daxil olub.
Sözügedən hal şəhərin Şah İsmayıl Xətai prospektində müşahidə olunur. Sakinlərin sözlərinə görə, hipermarket “Əminə”nin qarşısında yolu keçməyə çətinlik çəkirlər. Buradakı piyada zolağı silinib.
“Yolu qarşı tərəfə keçə bilmirik. Maşınlar çox sürətlə hərəkət edir, əksər sürücülər isə yol vermirlər. Burada zolaq yenilənib işıqfor qoyulsa, rahat keçərdik yolu”, - deyə onlar qeyd ediblər.
