Gəncədə abadlıq işləri görülüb. Bu haqda 6 mart tarixində MKTİB-yə istinadən məlumat veririk.
Mənzil Kommunal Təsərrüfatı İstehsalat Birliyi şəhər ərazisində çoxmənzilli binaların və fərdi yaşayış evlərinin fasadında təmir-bərpa işləri aparır. Qurumun Təmir-Tikinti və Qəza xidməti şöbəsinin əməkdaşları Atatürk prospektinin sağ və sol hissəsində yerləşən və şəhərin estetik görünüşünə xələl gətirən fərdi yaşayış evlərinin fasad və hasarlarında təmir işləri görüblər.
Hasarlar uzun illər baxımsız və təbii aşınmalara məruz qalmaqdan yararsız vəziyyətə düşüb. Bu səbəbdən onların üzəri yenidən suvanıb, sökülən hissələri kərpic-beton materialından istifadə edilərək bərpa olunub və yeni boya vurulub.
