Gəncənin mərkəzində abadlıq, təmizlik və yaşıllaşdırma işləri görülüb. Bu haqda 18 aprel tarixində MKTİB-yə istinadən xəbər veririk.
İşlər MKTİB-nin əməkdaşları tərəfindən Heydər Əliyev meydanında aparılıb. Bir müddətdir istifadəyə verilən fəvvarələrin hovuz hissələrinə sanitar qulluq göstərilib və çirklənən hissələri təmizlənib. Heydər Əliyevin abidəsinin və muzeyinin ətrafları, inzibati binanın qarşısındakı güldanlar yeni gül-çiçəklərlə bəzədilib.
Həmçinin ərazidəki yaşıllıqlara aqrotexniki qulluq göstərilib, suvarılması təmin edilib, irigövdəli ağacların ehtiyac olan budaqlarında budama işləri görülüb. Xatırladaq ki, bir müddət əvvəl muzey binasında təmir-bərpa işləri aparılıb. Mərkəzi meydanın bəzi hissələrində isə sıradan çıxan tametlər yenilənib.
