Gəncədə dirəklər qəzalı vəziyyətdədir. Bu haqda Gencexeber.az-a 16 dekabr tarixində məlumat daxil olub.
Bu hal Puşkin və Əli Nəzmi küçələrinin kəsişməsində, eyni zamanda Sahil küçəsində müşahidə olunur. Burada yerləşən telefon və işıq dirəkləri əyilib.
İki küçənin kəsişməsində olan qəzalı dirək aşmaması üçün sakinlər tərəfindən dayağa birləşdirilib. Bu yolla problemi müvəqqəti də olsa, həll etməyə çalışıblar.
Sakinlər bu vəziyyətdən narahatdırlar, dirəklərin aşa biləcəyindən qorxurlar. “Dirəklər hər kəs üçün təhlükə yaratdığına görə bərpa olunmasını istəyirik”, - deyə onlar qeyd ediblər.
[modula id="51693"]
