Gəncədə iki ərazidə dirəklər qəzalı vəziyyətdədir. Bu haqda Gencexeber.az-a 27 fevral tarixində məlumat daxil olub.
Söhbət Təbriz prospekti və Xudat bəy Rəfibəyli küçəsindən gedir. Adıçəkilən ərazilərdə elektrik və telefon xətlərinin dirəkləri əyilib.
Sakinlər bu haldan narahat olduqlarını bildirirlər. Onlar qəzalı vəziyyətdə olan dirəklərin piyadaların və ya avtomobillərin üstünə aşa biləcəyindən narahatdırlar.
Qeyd edək ki, Xudat bəy Rəfibəyli küçəsində olan telefon xəttinin dirəyi aşmaması üçün köməkçi dayağa bağlanıb.
