Gəncədə kommunal qəzalar baş verib. Bu haqda Gencexeber.az-a 20 yanvar tarixində məlumat daxil olub.
Hadisələr şəhərin Təbriz, Hacı MəmmədHüseyn və Aida İmanquliyeva küçələrində qeydə alınıb. Adıçəkilən ərazilərdən birincisində kanalizasiya quyusu bu gün, 20 yanvar tarixində daşmağa başlayıb. Nəticədə küçə boyunca çirkab axmağa başlayıb.
Analoji vəziyyət şəhərin Hacı MəmmədHüseyn və Aida İmanquliyeva küçələrində də müşahidə edilir. Sakinlər bildirirlər ki, axşam saatlarında evlər su ilə təchiz olunanda kanalizasiya xətti daşır. Bu hal, demək olar ki, hər gün təkrarlanır. Onların sözlərinə görə, burada kommunal infrastruktur yeni yaradılıb.
Sözügedən qəzalar sakinlərin narahatlığına səbəb olur. Vətəndaşlar məsələ ilə bağlı müvafiq tədbirlərin görülməsini istəyirlər.
[modula id="53476"]
