Gəncənin bir sıra yolları təmir edilib. Bu haqda 28 mart tarixində AAYDA-ya istinadən xəbər veririk.
Şəhərin daxili yollarının təmiri yekunlaşıb. İşlər Süleyman Rüstəm və digər 52 küçədə aparılıb. Təmir olunan küçələrin ümumi sahəsi 522 min kvadratmetr təşkil edir. Abadlaşdırma aksiyası çərçivəsində küçə və yollarda köhnə örtük sökülüb, yol yatağının yararsız qruntu qazılaraq çıxarılıb. Həmçinin yeni asfalt-beton örtüyünün döşənməsi işləri icra olunub.
Bundan əlavə, mövcud piyada səkiləri bərpa olunub, yeniləri inşa edilib, kənarlarına səki daşları düzülüb. Sonda yolcizgi və yolgöstərici xətlər, həmçinin piyada zolaqları çəkilib, küçə və yollara zəruri yol nişanları, məlumatverici lövhələr quraşdırılıb.
