Gəncədə abadlıq işləri görülür. Bu haqda 24 fevral tarixində MKTİB-yə istinadən məlumat veririk.
Şəhərin müxtəlif ərazilərində kompleks abadlıq-quruculuq və təmizlik işləri aparılır. Mənzil Kommunal Təsərrüfatı İstehsalat Birliyinin canlı qüvvəsi və texnikası tərəfindən prospekt və meydanlar, avtobus dayanacaqları, işıq dirəkləri, yol nişanları, zibil qutuları, səkilər və məhəccərlər palçıqdan və toz-torpaqdan təmizlənərək yuyulur.
Həmçinin adıçəkilən ərazilərdə mövcud yaşıllıqlara aqrotexniki qulluq göstərilir, qəzalı vəziyyətdə olan ağaclarda budama işləri aparılır. Şəhərin baş meydanı MKTİB-nin xüsusi texnikaları vasitəsilə yuyulub, yazın gəlişi ilə bağlı əlavə gül-çüçəklər və dekorativ kol bitkiləri əkilib.
Bildirilib ki, sözügedən işlər qarşıdakı günlərdə də davam etdiriləcək.
