Gəncədə mövsümi güllərin əkini davam etdirilir. Bu haqda 20 aprel tarixində MKTİB-yə istinadən xəbər veririk.
Şəhər ərazisində Mənzil Kommunal Təsərrüfatı İstehsalat Birliyinin Yaşıllaşdırma şöbəsi tərəfindən mövsümi gül əkini kampaniyası keçirilir. Aksiya Heydər Əliyev meydanı, Ekoloji Park Kompleksinin ərazisi və Cavadxan küçəsində aparılır. Adıçəkilən ərazilərə qurumun əməkdaşları tərəfindən müxtəlif təyinatlı texnikaların köməyi ilə güllər, dekorativ kollar əkilib.
Sözügedən ərazilərdə yaşıllıq zolağına aqrotexniki qulluq göstərilib. Həmçinin ətirşah, petunya, viola, marqarita və kalselyariya kimi mövsümi güllər əkilib.
