Gəncədə küçə və prospektlərin gecə işıqlandırılması üçün işlər aparılır. Bu haqda 11 mart tarixində MKTİB-yə istinadən xəbər veririk.
Şəhərin bir sıra əraziləri Mənzil Kommunal Təsərrüfatı İstehsalat Birliyinin Küçə İşıqlandırması şöbəsi tərəfindən işıqlandırılır. Təbriz küçəsində yaşayış binalarının həyətlərinə 59 ədəd 1 şamlı, 7 ədəd 2 şamlı işıq dirəyi quraşdırılıb. Ümumilikdə 2046 metr kabel-şlanq xətti istifadə olunub. Həmçinin Cavadxan qəsəbəsində yerləşən Fərhad Yusibov küçəsinə 558 metr kabel üzərində 18 ədəd küçə işıqlandırıcı dirək qoyulub.
Aksiya çərçivəsində köhnə plafonlar dəyişdirilib, lampalar daha müasir qənaətli və iqlandırma sahəsi daha geniş olan yeni LED lampalarla əvəzlənib. Bundan başqa, ehtiyac duyulan yerlərə yeni dirəklər basdırılıb, müasir gecə işıqlandırma sistemi çəkilib.
