Gəncədə iməcilik təşkil olunub. Bu haqda 4 aprel tarixində MKTİB-yə istinadən məlumat veririk.
Yağışlardan sonra yollarda, səkilərdə və dayanacaqlarda yaranan palçıq, toz kütləsinin təmizlənməsi məqsədilə MKTİB-nin xüsusi texnikaları vasitəsilə şəhərin Nizami Gəncəvi və Şah İsmayıl Xətai prospektlərində yuyulma işləri baş tutub. Aksiya çərçivəsində küçə və prospektlərdə güllər, həmişəyaşıl kollar əkilib, qazonlar biçilib, yaşıllıq sahələrinə aqrotexniki qulluq göstərilib, bitkilərə təbii gübrələr verilib və suvarılıb.
Həmçinin şəhər MKTİB-nin xüsusi texnikaları və canlı qüvvəsi tərəfindən müxtəlif ərazilərdə zibil qutularının ətrafında səliqə-sahman yaradılıb, yararsız konteynerlər yenisi ilə əvəzlənib.
