Gəncədə bir neçə ərazidə lüklərin təmirə ehtiyacı var. Bu haqda Gencexeber.az-a 1 aprel tarixində məlumat daxil olub.
Sözügedən hal şəhərin Mirzə Abbas Abbaszadə, Vaqif Qəmərli, Bayan küçəsi 5-ci döngə, Əziz Əliyev, Bağbanlar, Məmməd Xələfov, Ordubadi, Qənbər Hüseyinli, Zaur İsmayılov küçələrində və Cavad bəy Rəfibəyli ilə Bağbanlar, Əziz Əliyev ilə 20 Yanvar küçələrinin, Heydər Əliyev prospekti ilə İdris Həsənov küçəsinin kəsişməsində müşahidə olunur.
Onlardan Qənbər Hüseyinli, Mirzə Abbas Abbaszadə, Əziz Əliyev küçələri və həmin küçənin 20 Yanvar ilə kəsişməsində olan lüklər asfalt örtüyünün səviyyəsindən aşağıda, Bağbanlar küçəsində isə yuxarıda yerləşir. Məmməd Xələfovda artezian quyusunun üstü örtülməyib.
Bundan başqa, Bağbanlar ilə Cavad bəy Rəfibəyli küçələrinin kəsişməsində, Bayan küçəsi 5-ci döngə, Vaqif Qəmərli, Ordubadi, Zaur İsmayılov küçələrindəki lüklər qapaqsızdır.
Bu hal avtomobillərin və piyadaların hərəkətində çətinlik yaradır. Sakinlər sözügedən vəziyyətin aradan qaldırılmasını xahiş edirlər.
[modula id="57278"]
