Gəncədə bir neçə ərazi baxımsız vəziyyətdədir. Bu haqda Gencexeber.az-a 11 yanvar tarixində məlumat daxil olub.
Söhbət şəhərin Azərbaycan Bayrağı küçəsi (Dubay bazarı ərazisi), yeni avtovağzalın arxa tərəfi və Atatürk prospektindən gedir. Adıçəkilən ərazilərdə yaşayan sakinlər cari vəziyyətdən narahatdırlar.
Vətəndaşların sözlərinə görə, Azərbaycan Bayrağı küçəsində şirkətlər tərəfindən inşaat tullantıları atılır. Həmçinin asfalt örtüyünün olmaması səbəbindən küləkli havada ərazi toz içində olur.
Atatürk prospekti ilə “Sərçə bazarı”na gedən yolun kənarlarına məişət tullantıları atılır. Burada da asfalt örtüyü mövcüd deyil. Yağmurlu hava zamanı yolda gölməçələr əmələ gəlir.
Daha bir məişət tullantıları ilə çirkləndirilən ərazi yeni avtovağzalın arxa tərəfidir. Şəhərin sözügedən hissəsində antisanitar vəziyyət müşahidə olunur.
[modula id="52902"]
