Gəncədə növbəti aksiya təşkil olunub. Bu haqda 19 dekabr tarixində MKTİB-yə istinadən məlumat veririk.
Ağacəkmə aksiyası Mənzil Kommunal Təsərrüfatı İstehsalat Birliyinin Yaşıllaşdırma şöbəsi tərəfindən həyata keçirilib. Gülçülük sahəsində becərilən müxtəlif növ ağaclar, dekorativ kollar və güllərin ərazilərə köçürülməsi prosesi aparılır.
Növbəti əkin şəhərin şərq tərəfdən giriş istiqamətindəki ərazisində təşkil olunub. Sözügedən əraziyə 200 ədəd sərv ağacı əkilib. Həmçinin qurumun Yaşıllaşdırma şöbəsinin əməkdaşları tərəfindən mövcud və yeni əkilən yaşıllıq zonasına aqrotexniki qulluq göstərilib, damcı suvarma sistemi üsulu ilə suvarılması təmin edilib.
[modula id="51840"]
