Gəncə sakinləri üçün el şənliyi təşkil olunub. Bu haqda Gencexeber.az-a 19 mart tarixində məlumat daxil olub.
Novruz bayramı münasibətilə tədbir keçirilib. Şənlik şəhərin Heydər Əliyev adına Baş meydanında (Gəncə İcra Hakimiyyətinin qarşısında) baş tutub. Burada əl işlərindən və rəsm əsərlərindən ibarət sərgilər baş tutub. İstedadlı şəxslər tərəfindən rəqs nömrələri nümayiş olunub.
Bayramda gənc idmançılar müxtəlif idman fəndləri göstəriblər. Daha sonra Novruz tonqalı alovlandırılıb, konsert proqramı təqdim olunub.
Qeyd edək ki, tədbirdə İcra Hakimiyyətinin başçısı Niyazi Bayramov və qurum nümayəndələri, Türkiyənin Gəncədəki Baş konsulu Recep Öztop, idarə, müəssisə və təşkilat rəhbərləri, incəsənət xadimləri, şəhər ictimaiyyətinin nümayəndələri və sakinlər iştirak ediblər.
[modula id="56822"]
