Gəncədə təmizlik aksiyası davam etdirilir. Bu haqda 21 fevral tarixində Mənzil Kommunal Təsərrüfatı İstehsalat Birliyinə istinadən xəbər veririk.
Şəhər ərazisində yolların, küçələrin, prospektlərin, səkilərin və dayanacaqların təzyiqli su vasitəsilə yuyulması işləri aparılır. Burada məqsəd yağışlı hava şəraitindən sonra adıçəkilən əraziləri toz və torpaqdan təmizləməkdir.
Təmizlik aksiyası çərçivəsində Şah İsmayıl Xətai prospektində haşiyələr, səkilər və yol kənarları yuyulub. Həmçinin analojı işlər şəhərin küçə və prospektlərində gələcək günlərdə də davam etdiriləcək.
Qeyd edək ki, təmizlik işləri Mənzil Kommunal Təsərrüfatı İstehsalat Birliyinin texnikaları və canlı qüvvəsi tərəfindən həyata keçirilir.
