Gəncədə daha bir ərazidə təmizlik işləri görülüb. Bu haqda 28 fevral tarixində MKTİB-yə istinadən xəbər veririk.
Nizami Gəncəvi prospektindən şəhərin hava limanına qədər olan yolda təmizlik aksiyası həyata keçirilib. İşlər Mənzil Kommunal Təsərrüfatı İstehsalat Birliyinin canlı qüvvə və texnikası vasitəsilə görülüb. Yolda yığılıb qalan palçıq kütlələri süpürülərək ərazidən daşınıb. Həmçinin mövcud kol-kos, alaq otları,toz-torpaq və məişət tullantılarından təmizlənib.
Aksiya çərçivəsində adıçəkilən prospektdə yolun sağ və sol hissəsində mövcud olan yaşıllıq zolağına aqrotexniki qulluq göstərilib, suvarılması təmin edilib.
Qeyd edək ki, qurum tərəfindən şəhərin müxtəlif ərazilərində təşkil olunan bu kimi təmizlik aksiyaları mütəmadi olaraq aparılır.
