Gəncədə gənclər üçün layihə təşkil olunub. Bu haqda Gencexeber.az-a 17 yanvar tarixində məlumat daxil olub.
2 Fevral – Gənclər Günü ilə bağlı "Gəncənin gəncləri" layihəsi baş tutacaq. Burada keçiriləcək sərgidə gənc rəssamlar, heykəltaraşlar və fotoqraflar öz əl işlərini nümayiş etdirəcəklər.
Layihənin məqsədi şəhərimizdə yaşayıb-yaradan gənc istedadların üzə çıxarılmasıdır.
Sərgiyə qatılmaq istəyənlər şəxsi məlumatlarını və çəkdiyi əsərlərin şəkillərini filarmoniyanın rəsmi İnstagram səhifəsinə (ganja_philharmonic_hall) göndərə bilərlər. Son müraciət tarixi 27 yanvardır.
