Gəncədə antisanitar vəziyyət aradan qaldırılıb. Bu haqda 29 mart tarixində MKTİB-yə istinadən xəbər veririk.
Şah İsmayıl Xətai prospektində 6 saylı yaşayış binasının qarşısındakı antisanitar vəziyyət MKTİB tərəfindən aradan qaldırılıb. Adıçəkilən ünvanda yerləşdirilmiş zibil qutularına yaşayış binaları sakinlərindən əlavə, yaxınlıqdakı şadlıq sarayı və poliklinika da məişət və digər tullantıları qanunsuz olaraq atır. Qurum xəbərdarlıq edərək bildirir ki, yaşayış massivlərində əhalinin istifadəsində olan konteynerləri sahibkarlıq subyektləri məişət, təmir qalıqları və digər tullantılarla “zibilləməsinlər”.
Sözügedən ərazidə səliqə-sahman yaradılıb. Həmin ərazidə zibil qutularının sayının artırılması da nəzərdə tutulur. MKTİB təmizliyin sakinlər tərəfindən qorunub saxlanılması vacibliyini vurğulayıb. Əks-təqdirdə bu kimi subyektlər aşkar olunduqca barələrində inzibati tədbirlər görüləcək.
