Gəncə sakinlərinə avadanlıqlar verilib. Bu haqda Gencexeber.az-a 27 yanvar tarixində məlumat daxil olub.
Özünüməşğulluq tədbiri Samuxda baş tutub. Burada Nizami yurdundan müraciət etmiş bir sıra şəxslərlə görüş təşkil olunub. Onlara biznes planlarına uyğun mal və materiallar təqdim edilib. Prosesin cari həftənin sonuna kimi davam edəcəyi bildirilir.
Aktivlər şəxsə müqavilə əsasında verilir. Müəyyən edilmiş müddət (yəni 1 il) başa çatdıqdan sonra isə vətəndaşın seçdiyi fəaliyyət istiqaməti onun biznes planına uyğun hesab edilərsə, aktivlər şəxsin mülkiyyətinə verilir.
Qeyd edək ki, özünüməşğulluq tədbirinin həyata keçirilməsinin əsas məqsədi sosial cəhətdən həssas, xüsusilə yardıma ehtiyacı olan aztəminatlı ailələrin sosial müdafiəsini gücləndirməkdir. Bununla onların həyat səviyyəsinin yüksəldilməsi hədəflənib. Həmçinin sahibkarlıq vərdişlərinin aşılanması və işsizlik səviyyəsinin azaldılması əsas götürülür.
