Gəncədə polis əməkdaşları nəzarət-yoxlama tədbirləri keçiriblər. Bu haqda 13 dekabr tarixində Daxili İşlər Nazirliyinə istinadən xəbər veririk.
Dövlət Yol Polisi Şöbəsinin əməkdaşları tərəfindən “Vaz” və “Kia” markalı avtomobillərin sürücüləri narkotik vasitənin təsiri altında avtomobil idarə etdiklərinə görə saxlanılıblar.
Yoxlama zamanı yol hərəkəti qaydalarını pozan “Vaz 2107” və qadağan edilmiş səs siqnalından istifadə edən “Range Rover” markalı avtomobillərinin sürücüləri saxlanılıblar. Onların barəsində protokol tərtib edilib, hüquqi qiymət verilməsi üçün aidiyyəti üzrə məhkəməyə göndərilib.
Bundan başqa, bir qrup gəncin özlərinə məxsus müxtəlif markalı avtomobillərə konstruksiya dəyişikliyi edərək digər hərəkət iştirakçılarına təhlükə yaratdığı məlum olub. Onlar saxlanılaraq profilaktiki söhbətə cəlb ediliblər və barələrində qanunamüvafiq tədbir görülüb. Qanunsuz dəyişikliklər aradan qaldırıldıqdan sonra nəqliyyat vasitələri istismara buraxılıb.
[modula id="51506"]
