Gəncədə daha bir səyyar görüş keçirilib. Bu haqda 23 fevral tarixində İcra Hakimiyyətinə istinadən məlumat veririk.
Vətəndaş qəbulu Məhsəti Gəncəvi Mərkəzində baş tutub. Tədbirdə YAP Gəncə Şəhər Təşkilatının sədri Bayram Aslanov, İcra Hakimiyyəti başçısı Aparatının məsul əməkdaşları, bələdiyyə sədrləri, idarə, müəssisə, təşkilat rəhbərləri iştirak ediblər.
Burada sakinlər onları narahat edən məsələləri dilə gətiriblər. Səsləndirilən müraciətlərdə işlə təminat, müalicə, mənzil növbəliliyi və s. məsələlər üstünlük təşkil edib.
Niyazi Bayramov vətəndaşların problemlərinin qısa zamanda aradan qaldırılması istiqamətində müvafiq tapşırıqlar verib. Səsləndirilən bir çox məsələlər yerindəcə öz həllini tapıb. İcra hakimiyyətinin fəaliyyət dairəsinə daxil olmayan məsələlərlə bağlı müraciətlər isə aidiyyəti qurumlara həvalə edilib.
