Gəncədə prokurorluq işçisi ilə görüş baş tutub. Bu haqda 13 mart tarixində Baş Prokurorluğa istinadən məlumat veririk.
Prokurorluqda qulluqda olmanın son yaş həddinə çatmış şəhər prokurorunun köməkçisi Allahverdi Abuzərov qulluq keçməsinə xitam verilməsi ilə əlaqədar Gəncə Şəhər Prokurorluğunun inzibati binasında qəbul edilib. Ona Baş prokuror tərəfindən Fəxri Fərman və hədiyyə təqdim olunub.
Görüş zamanı Allahverdi Abuzərovun prokurorluq orqanlarında keçdiyi uzunmüddətli xidmət illərinə nəzər salınaraq, buradakı səmərəli fəaliyyəti, cinayətkarlığa qarşı mübarizə, qanunçuluq və hüquq qaydasının möhkəmləndirilməsi, insan və vətəndaş hüquq və azadlıqlarının müdafiəsi sahəsində əldə etdiyi nailiyyətlər haqda danışılıb.
Həmçinin tədbir iştirakçıları xatirələrini bölüşərək səmimi söhbətlər ediblər. Sonda xatirə fotosu çəkilib.
