Gəncədə xəstaxanaların birində tədbir keçirilib. Bu haqda 17 yanvar tarixində Şəhər Birləşmiş Xəstəxanasına istinadən xəbər veririk.
Görüş azyaşlı uşaqlar, hamilə və zahı qadınlar üçün ev ziyarəti xidmətinə nəzarətin gücləndirilməsi mövzusunda baş tutub. Burada ilkin səhiyyə xidmətinin yeri, ilkin səhiyyə xidmətinin gücləndirilməsi perspektivləri, azyaşlı uşaqlar, hamilə və zahı qadınlara göstərilən patronaj xidmətlərinin universal proqressiv modelinin tətbiqinin gücləndirilməsi haqqında danışılıb. Həmçinin bildirilib ki, profilaktik peyvəndlər vasitəsilə yoluxucu xəstəliklərin qarşısının alınması infeksion xəstəliklərə qarşı ən effektiv müdafiə metodu hesab edilir və əhalinin sağlamlığının qorunması məqsədilə keçirilir.
Tədbirdə TƏBİB-nin Tibbi xidmətlərinin təşkili, strateji inkişaf, tibbi təhsil və innovasiyalar departamentlərinin əməkdaşları, Şəhər Birləşmiş Xəstəxanası daxil ətraf rayonların tibb müəssisələrinin rəhbərləri, ilkin səhiyyə xidməti üzrə məsul şəxs, poliklinika şöbələrinin müdirləri, ailə sağlamlıq mərkəzləri və kənd həkim məntəqələrinin müdirləri iştirak ediblər.
