Gəncədə küçələrin birində kommunal qəza qeydə alınıb. Bu haqda Gencexeber.az-a 20 dekabr tarixində məlumat daxil olub.
Hadisə Ruzigar Qasımov küçəsində baş verib. Adıçəkilən ərazidə yerin altında yerləşən su xətti partlayıb. Nəticədə su küçə boyunca axır. Axıntı Ağamirzə Əhmədov küçəsinə qədər davam edir.
Baş vermiş qəza səbəbindən yolda gölməçələr yaranıb. Bu da avtomobillərin hərəkətini qismən məhdudlaşdırıb.
