Gəncədə 8 Mart - Beynəlxalq Qadınlar Günü münasibətilə tədbir keçirilib. Bu haqda 8 mart tarixində Regional Təhsil İdarəsinə istinadən xəbər veririk.
Tədbir Regional Təhsil İdarəsinin təşkilatçılığı ilə baş tutub. Burada Regional Təhsil İdarəsinin müdiri Anar Qədiməliyev, qurumun əməkdaşları, təhsil işçiləri, Azərbaycan Təhsil İşçiləri və Azad Həmkarlar İttifaqı Gəncə şəhər komitəsinin sədri Bayram Hacıyev iştirak ediblər.
Toplantıda şagirdlərin ifasında şeir, musiqi və rəqs nümunələri nümayiş etdirilib. Həmçinin ədəbi-bədii kompozisiyalar təqdim edilib. Sonda bir qrup qadın təhsil işçisinə bayram münasibətilə təltiflər təqdim olunub.
