Gəncədə görüş təşkil olunub. Bu haqda 2 fevral tarixində Regional Təhsil İdarəsinə istinadən xəbər veririk.
Tədbir “Məktəbdə sağlam psixoloji mühitin formalaşdırılması” mövzusunda keçirilib. Burada elm və təhsil nazirinin müşaviri Rüstəm Ağayev, Regional Təhsil İdarəsinin müdiri Anar Qədiməliyev, Psixologiya Elmi-Tədqiqat İnstitutunun sədri Elnur Rüstəmov, Tibb Universitetinin dosenti psixiatr Araz Manuçeri, məktəb direktorları və psixoloqlar iştirak ediblər.
Görüşdə ümumtəhsil məktəblərində şagird-məktəb-valideyn münasibətlərinin düzgün qurulması üzrə müvafiq təşəbbüslərin göstərilməsi, sağlam mühitin qurulması üçün müvafiq addımların atılması və psixoloqların peşəkar inkişafına yönələn bir sıra fəaliyyətlər barədə danışılıb. Həmçinin “Narınc” Psixologiya Mərkəzinin Gəncə filialının İcraçı direktoru Baş psixoloq Himain Fəzizadə “Yeniyetmələrdə rast gəlinən psixoloji problemlər və yaranma səbəbləri, yeniyetmələrin psixoloji diaqnostikası və korreksiyası” mövzusu haqqında məlumat verib.
