Gəncədə müəllimlər üçün tədbir keçirilib. Bu haqda 23 dekabr tarixində Kəpəz televiziyasına istinadən məlumat veririk.
“Şagirdlərin dərslərə köklənməsinin və dərsləri daha yaxşı mənimsəməsinin artırılması” adlı təlim Elm və Təhsil Nazirliyinin dəstəyi ilə təşkil olunub. Burada Gəncə, Göygöl, Daşkəsən və Samuxdan olan 200-ə yaxın ibtidai sinif müəllimi iştirak edib.
Pedaqoqlara şagirdlərin potensiallarını ortaya çıxara bilmələrinə köməklik etməyin yolları izah olunub. Tədbirdə iştirakçılara yeni innovativ üsulların tədrisdə tətbiqi də aşılanıb. Mövzu ətrafında diskussiya aparılıb.
